هذه الكلمات غنتها ام كلثوم واحببت أن أطرحها علها تحوز علي رضاكم واستحسانكم
وهي من تأليف محمود بيرم التونسي
أنا في انتظارك خليت *** ناري في ضلوعي وحطيت
إيدي على خدي وعديت *** بالثانيه غيابك ولا جيت
.................... يارتني عمري ما حبيت
عايز أعرف لاتكون غضبان *** أو شاغل قلبك إنسان
خلتني من يأسي اقول *** الغيبه دي غيبه على طول
واتفكر إيه اللي جنيت *** من ذنب يسيئك ما لقيت
...................يا ريتني عمري ما حبيت
اتقلب على جمر النار *** واتشرد ويا الافكار
النسمه أحسبها خطاك *** والهمسة أحسبها لغاك
علي كده أصبحت وأمسيت *** وشافوني وقالوا اتجنيت
............... يارتني عمري ما حبيت
توعدني بسنين وأيام *** وتجيني بحجج وكلام
وتسلم وتمر قوام *** اوتخلف وتقلي نسيت
............. يارتني عمري ماحبيت
اهداء خاص الى كوكب الشرق سيدة الغناء العربى واهدا خاص الى كوكب القلب سيد الغناء الرومانسى(ام كلثوم وهمس القلب)
